अकल्याण्डमा चौथो संस्करणको ‘एभरेष्ट कप’ आयोजना हुँदै

फूटबल प्रतियोगिता एभरेष्ट कपको चौथो संस्करणको मिती सार्वजनिक भएको छ । आउदो सेप्टेम्बर २१ र २२ तारिकका दिन चौथो एभरेष्ट कप न्युजिल्याण्डको सबै भन्दा ठुलो शहर अकल्याण्डमा आयोजना हुने भएको छ । खेल अकल्याण्डस्थित माउन्ट ईडेनमा रहेको अकल्याण्ड ग्रामर स्कुलको मैदानमा हुने छ ।
अकल्याण्डको गोर्खा फूटबल क्लबको आयोजनामा प्रतियोगिता आयोजना हुँदै छ ।
सन् २०२० बाट सुरु भएको एभरेष्ट कप फूटबल प्रतियोगिताको पहिलो र दोस्रो संस्करण न्युजिल्याण्डको राजधानी वेलिङटनमा आयोजना गरिएको थियो भने गत वर्ष सम्पन्न तेस्रो संस्करण अकल्याण्डमा आयोजना गरिएको थियो । पहिलो संस्करणको बिजेता अकल्याण्ड नेपालिज फूटबल एसोसियन भएको थियो भने दोस्रो संस्करणको उपाधी क्राइसचर्चको  टिम लोत्साम्पाले जितेको थियो । त्यस्तै तेस्रो संस्करणको उपाधी क्राइसचर्चको नेपाल युनाईटेडले जितेको थियो । कोरोनाको महामारीका बिच सन् २०२१ मा भने यो प्रतियोगिता हुन पाएको थिएन ।