345
Shares
चर्चित नेपाली सांगीतिक समूह नेपथ्यको टोली न्युजिल्याण्ड भ्रमणका लागि प्रस्थान गरेको छ। ब्यान्डका सदस्यहरू आज राति १०:५० बजे अकल्याण्ड आइपुग्ने छन् ।
न्युजिल्याण्डमा बसोबास गर्ने नेपाली समुदायका लागि विशेष रूपमा आयोजना गरिएको कन्सर्टका लागि टोली नेपालबाट मलेसिया हुँदै अकल्याण्डतर्फ प्रस्थान गरेको हो। कार्यक्रम यसै साता अकल्याण्डमा भव्य रूपमा आयोजना गरिने तयारी गरिएको छ।
ब्यान्डका प्रमुख गायक अमृत गुरुङ सहितको टोलीले आफ्नो लोकप्रिय गीतहरूसहित दर्शकलाई मनोरञ्जन दिने अपेक्षा गरिएको छ।
आयोजकका अनुसार कन्सर्टमा न्युजिल्याण्डभरका नेपाली दर्शकहरूको उल्लेख्य सहभागिता रहने अनुमान गरिएको छ। नेपथ्यले यसअघि पनि विभिन्न अन्तर्राष्ट्रिय मञ्चहरूमा सफल प्रस्तुति दिँदै आएको छ र अकल्याण्डमा हुने यस कार्यक्रमलाई पनि विशेष रूपमा हेरिएको छ।
