345
Shares
नेपाली सांगीतिक क्षेत्रमा अत्यन्त लोकप्रिय गायक सुजन चापागाईं न्युजिल्याण्ड आउने भएका छन् । लाखे ईभेन्ट्सको आयोजनामा उनको विशेष सांगीतिक कार्यक्रम आगामी जुलाई महिनामा आयोजना हुने निश्चित भएको आयोजक पक्षले जनाएको छ ।
पछिल्ला वर्षहरूमा लगातार चर्चित नेपाली कलाकारहरूलाई न्युजिल्याण्ड ल्याएर दर्शकमाझ विशेष पहिचान बनाएको लाखे ईभेन्ट्सले यसपटक सुजन चापागाईंलाई न्युजिल्याण्ड ल्याउन लागेको हो ।
सुजन चापागाईं आफ्ना भावनात्मक तथा मौलिक गीतहरूका कारण युवापुस्तामाझ अत्यन्त लोकप्रिय मानिन्छन् । उनका ‘गाला पुक्क’, ‘फूलथुङ्गा’ लगायतका गीतहरू नेपाली संगीतप्रेमीबीच निकै चर्चित छन् ।
यसअघि पनि लाखे ईभेन्ट्सकै आयोजनामा चर्चित नेपाली लोक–रक ब्याण्ड Nepathya ले केही साताअघि न्युजिल्याण्डमा आफ्नो प्रस्तुति दिएको थियो । उक्त कार्यक्रमले नेपाली समुदायबाट व्यापक समर्थन र उत्साह पाएको थियो ।
सुजन चापागाईंको न्युजिल्याण्ड कार्यक्रमको मिति, स्थान तथा टिकट सम्बन्धी थप विवरण भने छिट्टै सार्वजनिक गरिने आयोजकले जनाएको छ ।
