561
Shares
गत मे १६ तारिक एकाबिहानै राजधानी वेलिङटनमा रहेको एक होस्टलमा आगलागीमा परि मर्नेको नाम र उमेर वेलिङ्टन प्रहरीले सार्वजनिक गरेको छ । सुरुमा प्रधानमन्त्री क्रिस हिप्किन्सले ६ जनाको मृत्यु भएको पुष्टि गरेका थिए । प्रहरीले पनि मर्नेको संख्या कम्तिमा १० जना रहेको भनेको थियो तर पछिल्लो समय उद्दारको कार्य सकिएपछि मृत्यु हुनेको संख्या जम्मा ५ जना रहेको प्रहरीले जनाएको छ । वेलिङटन प्रहरीका अनुसार आगलागीमा परी हाल सम्म ५ जनाको मात्र मृत्यु भएको छ ।
यि हुन् आगलागीमा परि ज्यान गुमाउनेहरु
नाम: Michael Wahrlich उमेर: 67;
नाम: Melvin Joseph Parun, उमेर: 68;
नाम: Peter Glenn O’Sullivan, उमेर: 64;
नाम: Kenneth Barnard, उमेर: 67;
नाम: Liam Hockings, उमेर: 50.
आगलागीको घटनामा अझै ११ जना बेपत्ता रहेको बताईएको छ । उनिहरु सकुशल छन् या छैनन् भन्ने कुराको पुष्टि हुन बाँकी रहेको प्रहरीले जनाएको छ । अर्को साता सम्म घटनाको पूर्ण विवरण दिईने प्रहरीले बताएको छ । घटनामा २० जनाको सकुशल उद्दार गरिएको थियो ।
वेलिङटनको न्युटाउनमा रहेको लोफर्स लजमा भएको आगलागी जानी जानी लगाईएको प्रहरीले आशंका गरेको छ । घटनामा संलग्न भएको आशंकामा एक जना लाई वेलिङ्टन प्रहरीले पक्राउ समेत गरेको छ ।
