दोस्रो सेमिफाइनलमा दक्षिण अफ्रिकाविरुद्ध शानदार जित निकाल्दै न्युजिल्याण्ड आईसीसी च्याम्पियन्स ट्रफीको फाइनलमा प्रवेश गरेको छ । आइतबार हुने फाइनल खेलमा न्युजिल्याण्डले पहिलो सेमिफाइनलको विजेता भारतको सामना गर्नेछ । भारतले पहिलो सेमिफाइनल खेलमा अस्ट्रेलियालाई ४ विकेटले पाखा लगाएको थियो । न्युजिल्याण्डले प्रस्तुत गरेको ३ सय ६३ रनको विशाल लक्ष्य पछ्याएको दक्षिण अफ्रिकी टोलीले ५० ओभरमा ९ विकेटको क्षतिमा ३ सय १२ रन मात्र बनाउन सक्यो ।
