न्यूजील्याण्डको ACT पार्टीका नेता डेभिड सेमोरले उपप्रधानमन्त्रीको पद ग्रहण गरेका छन्। यसअघि उपप्रधानमन्त्री रहेका न्यूजील्याण्ड फर्स्ट पार्टीका नेता विन्सटन पीटर्स को कार्यकाल सकिएपछि सेमोरले कार्यकालका लागि पद ग्रहण गरेका हुन
यो परिवर्तन सरकारको कार्यकालको मध्यबिन्दुमा भएको हो, जसअनुसार पीटर्सले पहिलो आधा कार्यकालमा र सेमोरले बाँकी आधा कार्यकालमा उपप्रधानमन्त्रीको भूमिका निर्वाह गर्ने सहमति भएको थियो ।
अकल्याण्डस्थित गभर्नर जनरलको निवासमा आयोजित एक समारोहमा सेमोरले पदभार ग्रहण गरे।
डेभिड सेमोरले उपप्रधानमन्त्रीको भूमिकासँगै नियमन मन्त्री (Minister for Regulation) को पद पनि सम्हालिरहेका छन्। उनले सरकारी संरचनालाई सानो र प्रभावकारी बनाउनुपर्ने आवश्यकता औंल्याउँदै आएका छन्, जसमा मन्त्रीहरूको संख्या घटाउने प्रस्ताव पनि समावेश छ ।
सेमोरको राजनीतिक दृष्टिकोणमा ते टिरिटी (Treaty of Waitangi) को सिद्धान्तहरूमा परिवर्तन ल्याउने प्रस्तावले व्यापक बहस सिर्जना गरेको छ। उनले सह-शासन (co-governance) को अवधारणालाई हटाउने र सबै न्यूजील्याण्डवासीहरूलाई समान रूपमा प्रतिनिधित्व गर्ने प्रस्ताव गरेका थिए, जुन संसदमा अस्वीकृत भएको थियो ।
यो परिवर्तनले न्यूजील्याण्डको राजनीतिक परिदृश्यमा नयाँ दिशा दिन सक्नेछ, विशेषतः ACT पार्टीको प्रभाव र सेमोरको नेतृत्वमा।
