नेल्सन–तास्मान क्षेत्रका बासिन्दालाई मौसम विभागले शुक्रबार (जुलाई ११) को दिन अत्यधिक खराब मौसमको चेतावनी दिएको छ। लगातारको वर्षा, तेज हावा र संभावित बाढी तथा पहिरोको जोखिमका कारण विभागले अत्यावश्यक कामबाहेक घरबाहिर ननिस्कन अनुरोध गरेको हो। नेल्सन तास्मन काउन्सिलले उक्त क्षेत्रका लागि आपतकालीन अवस्था घोषणा गरिसकेको छ
मौसम विभागको अनुसार:
- भारी वर्षा र आँधी आउने सम्भावना
- पहाडी तथा नदी आसपासका क्षेत्रमा बाढी र पहिरोको उच्च जोखिम
- सडक अवरुद्ध हुने सम्भावना
तसर्थ, तास्मान र नेल्सन क्षेत्रका सबै नागरिकहरूलाई सुरक्षा सतर्कता अपनाउन, आवश्यक सामग्री तयारी अवस्थामा राख्न र सम्भव भएसम्म घरमै बस्न आग्रह गरिएको छ।
आपतकालीन सेवाहरू तयारी अवस्थामा
स्थानीय प्रशासन, नागरिक सुरक्षा र आपतकालीन सेवाहरू तयारी अवस्थामा छन्। कुनै आपतकालीन अवस्था आएमा तुरुन्तै 111 मा सम्पर्क गर्न सकिन्छ।
