219
Shares
न्युजिल्याण्डमा भोलि आइतबार बिहानबाट डेलाइट सेभिङ (घडी अगाडि सार्ने प्रणाली) सुरु हुँदैछ। यस अनुसार घडी एक घण्टा अगाडि सारिने भएकाले एक घण्टा सुताइ कम हुनेछ तर दिनहरू अझ उज्यालो र न्यानो रहने अपेक्षा गरिएको छ।
गर्मी महिनामा बढी उज्यालो समयको उपयोग गर्न न्युजिल्याण्डमा घडीको समय एक घण्टा अगाडि बढाइने गरिएको हो। यस वर्ष, आइतबार बिहान १ बजेपछि २ बज्नुको सट्टा घडी सिधै ३ बज्नेछ। यस्तो गर्दा बेलुकीसम्म घामको किरण लामो समयसम्म देखिनेछ।
डेलाइट सेभिङको अवधि सेप्टेम्बर महिनाको अन्तिम आइतबारबाट सुरु भएर अर्को वर्ष अप्रिलमा अन्त्य हुनेछ। सन् २०२६ मा, अप्रिल ५ तारिख आइतबार बिहान ३ बजे डेलाइट सेभिङको अन्त्य हुने छ, जसका कारण घडी फेरि एक घण्टा पछाडि सारिनेछ।
