सन् २०२८ मा हुने आईसीसी पुरुष टी–२० विश्वकप को ११औँ संस्करण अस्ट्रेलिया र न्युजिल्याण्ड मा संयुक्त रूपमा आयोजना हुने भएको छ। यो प्रतियोगिता पहिलो पटक न्युजिल्याण्डमा आयोजना हुन लागेको हो भने अस्ट्रेलियाले यसअघि सन् २०२२ मा उक्त प्रतियोगिता आयोजना गरिसकेको थियो।
अन्तर्राष्ट्रिय क्रिकेट परिषद् ले सन् २०२१ को नोभेम्बरमा सार्वजनिक गरेको सन् २०२४ देखि २०३१ सम्मको पुरुष क्रिकेट प्रतियोगिता आयोजना तालिकाअनुसार सन् २०२८ को टी–२० विश्वकप अस्ट्रेलिया र न्युजिल्याण्डमा आयोजना गर्ने निर्णय गरिएको हो।
उक्त प्रतियोगितामा विश्वभरका २० टोली सहभागी हुनेछन् भने कुल ५५ खेल खेलाइने छन्। हालका लागि प्रतियोगिताका साविक विजेता भारत राष्ट्रिय क्रिकेट टोली रहेका छन्।
टी–२० क्रिकेटको सबैभन्दा प्रतिष्ठित प्रतियोगिता मानिने यस विश्वकपले अस्ट्रेलिया र न्युजिल्याण्डका विभिन्न शहरमा विश्वभरका क्रिकेटप्रेमी दर्शकलाई रोमाञ्चक खेलको अनुभव दिलाउने अपेक्षा गरिएको छ।
