न्युजिल्याण्डको उत्तर क्षेत्रमा उष्णकटिबन्धीय न्यूनचापको प्रभाव देखिन सक्ने भएकाले मौसम विभाग मेट सर्भिसले केही क्षेत्रमा कडा हावा र भारी वर्षाको निगरानी चेतावनी जारी गरेको छ।
नर्थ आईल्याण्डमा बुधबार मध्यान्हदेखि तीव्र हावाको चेतावनी जारी गरिएको छ भने Coromandel Peninsula र Bay of Plenty को पश्चिमी भागमा बिहीबार साँझदेखि भारी वर्षाको सम्भावना रहेको छ।
अधिकारीहरूले सवारी चालकहरूलाई सावधानी अपनाउन र सम्भावित विद्युत अवरोधका लागि तयारी अवस्थामा रहन आग्रह गरेका छन्। मौसमविदका अनुसार सबैभन्दा खराब मौसम प्रणाली देशको उत्तरतर्फ समुद्रमै रहने सम्भावना रहेको छ, तर हावा र वर्षाले केही असर गर्न सक्छ।
शुक्रबार माथिल्लो नर्थ आईल्याण्डमा मेघगर्जनसहित वर्षा हुन सक्ने भएकाले नागरिकलाई मौसम अपडेटमा ध्यान दिन सुझाव दिइएको छ।
