बाक्लो हुस्सुका कारण अकल्याण्ड विमानस्थलमा उडान प्रभावित, २० उडान रद्द

अकल्याण्ड विमानस्थलमा आइतबार बिहान बाक्लो हुस्सुका कारण २० भन्दा बढी उडानहरू रद्द भएका छन्।

विमानस्थलमा बिहान ४:४२ बजेदेखि उडानमा प्रतिबन्ध लागू गरिएको थियो, जसका कारण आन्तरिक उडानहरू प्रभावित भएका हुन्।

अकल्याण्डबाट प्रस्थान गर्ने ११ उडानहरू रद्द गरिएका छन्। तीमध्ये दुई–दुई उडान Napier र Christchurchका लागि तथा एक–एक उडान Nelson, Palmerston North, Taupō, Gisborne, New Plymouth, Wellington र Queenstownका लागि निर्धारित थिए।

त्यस्तै, अकल्याण्डतर्फ आउने १२ उडानहरू पनि रद्द भएका छन्। तीमध्ये तीन–तीन उडान Napier र Christchurchबाट, दुई Palmerston Northबाट तथा एक–एक New Plymouth, Taupō, Gisborne र Wellingtonबाट आउने तय गरिएको थियो।

यसैबीच, Tauranga र Queenstownका लागि जाने उडानहरू ढिलाइ भएका छन् भने Tauranga, Wellington, Nelson र Napierबाट आउने चार उडानहरू पनि ढिला भएका छन्।

अन्तर्राष्ट्रिय उडानहरू भने हुस्सुबाट प्रभावित नभएको जनाइएको छ।

विमानस्थल प्रशासनले यात्रुहरूलाई पछिल्लो जानकारीका लागि आफ्नो आधिकारिक वेबसाइट वा मोबाइल एप जाँच गर्न आग्रह गरेको छ।