न्युजिल्याण्डको बोडर खुलेसँगै न्युजिल्याण्डमा पर्यटकको संख्या ह्वातै बढ्ने अनुमान गरिएको थियो तर त्यस्को बिपरित न्युजिल्याण्ड प्रवेश गर्ने भन्दा न्युजिल्याण्डबाट बाहिरिनेको संख्या बढी छ । Stats NZ का अनुसार अप्रिल महिनामा न्युजिल्याण्डबाट झन्डै डेढ लाख मानिस बाहिरिएका छन् । त्यस्तै न्युजिल्याण्ड प्रवेश गर्नेको संख्या भने न्युन छ । अप्रिल महिनामा एक लाख ४१ हजार ६१० जना मानिस न्युजिल्याण्डबाट बाहिर गएका छन् भने एक लाख २५ हजार १२८ जना न्युजिल्याण्ड प्रवेश गरेका छन् । अप्रिलमा आएका मानिसहरुमा ६० % न्युजिल्याण्डका नागरिक छ्न् जो अष्ट्रेलियाबाट न्युजिल्याण्ड आएका हुन् । दुई वर्ष सम्म बोडर बन्द रहेकाले पनि न्युजिल्याण्डमा भएका मानिस फ्रेश हुन न्युजिल्याण्ड भन्दा बाहिर छुट्टी मनाउन गएको अनुमान गरिएको छ ।
