जब न्युजिल्याण्डलाई ३००० डलरमा बेच्न खोजियो, झण्डै बिकेको सिंगो देश

सन् २००० को दशक विश्वको लागि सम्झन लायक दशक हो जुन समयमा विश्वभर प्रविधिले बिकास पाएको थियो । ईन्टरनेट, मोबाईल एप, वेवसाईट लगायतका कुराहरुको बिकास पनि यही समय भएको हो । यही दशकमा न्युजिल्याण्डमा भने रोचक घटना घट्यो । कुरा आज भन्दा १६ वर्ष अगाडिको हो । सन् २००६ मा ईबे (Ebay) नामको एक अनलाईन सपिङ एपमा न्युजिल्याण्ड देशलाई नै बेच्न राखिएको थियो । सो समय एक अष्ट्रेलियाली नागरिकले सिंगो न्युजिल्याण्ड देशलाई नै बेच्नको लागि ईबे मा राखेका थिए । उनले एक महिना भित्र निलामी गर्न भन्दै न्युजिल्याण्ड देश र न्युजिल्याण्डको झण्डा ईबेमा राखेका थिए । उनले न्युजिल्याण्डको सुरुवाती मुल्य ०.०१ अष्ट्रेलियन डलर राखेका थिए । उनले बिवरणमा न्युजिल्याण्ड देशको ओफिसियल सेल भनेर उल्लेख समेत गरेका थिए । त्यो समय अधिकांश मान्छेले यस्लाई गम्भिर रुपमा लिए र न्युजिल्याण्ड देश किन्न बोली लगाउन थाले । जब ईबेलाई आफ्नो वेबसाईटमा एउटा सिंगै देश बिक्रीको लागि राखिएको थाहा भयो त्यसपछि कम्पनीले न्युजिल्याण्ड बेच्न राख्ने मान्छेको खाता नै बन्द गर्दियो , त्यो बेला सम्म न्युजिल्याण्ड किन्नको लागि ३००० डलर सम्मको बोली लागिसकेको थियो । यो घटना यती गम्भिर बन्यो कि न्युजिल्याण्ड सरकारको तर्फबाट बिज्ञप्ती नै जारी गरेर न्युजिल्याण्ड बिक्रिमा नभएको कुरा स्पष्ट पार्नु परेको थियो । त्यो घटनाको १३ वर्ष पछि सन् २०१९ मा पुन: त्यही अष्ट्रेलियन नागरिकले २००६ को घटना सम्झदैँ ईबेले आफ्नो अकाउन्ट बन्द गरेको र त्यसो गर्न नहुने भन्दै गो फण्डमी (Go Fund me )मा सेल न्युजिल्याण्ड भनेर अभियान सुरु गरेका थिए । तर उनको त्यो उपद्रो पनि गो फण्डमीले तुरुन्तै हटाएको थियो । ति अष्ट्रेलियाली नागरिकका अनुसार न्युजिल्याण्ड भन्ने देश नै नभएको र न्युजिल्याण्ड भनिएको देश अष्ट्रेलिया भएको दावी गरेका थिए । उनी अष्ट्रेलियन कमेडियन भएको हाल आफ्नो युट्युबमा न्युजिल्याण्डको मजाक बनाएर भिडियो हाल्ने गरेको पाईएको छ ।