विश्व प्रसिद्ध गायक जस्टिन बिबरले आफ्ना सम्पूर्ण सांगितिक कार्यक्रमहरु स्थगित गरेका छन् । उनले आफ्नो स्वास्थ्य बिग्रिएकाले आगामी दिनमा आयोजना हुने वर्ल्ड टुर समेत स्थगित गरेको जानकारी गराएका थिए । बिबरले हालै आफ्नो एल्बम जस्टिसको प्रमोशनका लागि विश्वका विभिन्न देशको भ्रमण गर्ने घोषणा गरेका थिए । केही समय अगाडि उनले आफू रामसे हन्ट सिन्ड्रोम बाट पीडित भएको कारण उनको अनुहार पक्षाघात भएको बताएका थिए । आफ्नो अवस्थाको बारेमा कुरा गर्दै बिबरले आफनो आँखा मिच्न नमिल्ने र साथै अनुहारको एक छेउमा हाँस्न पनि नसक्ने भएकाले आफनो पछिल्लो शो रद्द गर्नु परेको बताएका छन् । यसबाट आफु निराश भएको बताउदै हालको अवस्थामा आफु शारीरिक रूपमा सक्षम नभएको बताउदै आफना सर्मथकहरुले बुझ्ने छन भन्ने आशा राखेको बताएका छन् ।
अष्ट्रेलिया र न्युजिल्याण्डको कार्यक्रम यथावत
उनले विश्वका सबै कार्यक्रम स्थगित गरेपनि आयोजकका अनुसार न्युजिल्याण्ड र अष्ट्रेलियाको कार्यक्रम भने आयोजना हुने बताईएको छ । आयोजकका अनुसार उनले केही समय बिश्राम लिने भएको र न्युजिल्याण्डको टुर सम्ममा उनले पर्याप्त आराम लिने र न्युजिल्याण्डमा प्रस्तुत हुने बताईएको छ । जस्टिनको मार्च २०२३ सम्म एसिया, अमेरिका, यूरोप, अष्ट्रेलिया र न्युजिल्याण्डमा ७० भन्दा बढी कन्सर्ट आयोजना हुने कार्यक्रम तय थियो । उनले न्युजिल्याण्डमा भने सन् २०२२ को डिसेम्बेर ७ मा अकल्याण्डको माउन्ट स्मार्ट स्टेडियममा प्रस्तुती दिने छन् ।
