लण्डन, प्रधानमन्त्री जसिन्डा आर्डेनले महारानी एलिजाबेथको पार्थिव शरीर माथि श्रद्धाञ्जली अर्पण गरेकी छिन् । उनले आज बिहान वेस्टमिन्स्टर हलमा गएर रानीलाई श्रद्धाञ्जली दिएकी हुन् । जसिन्डा महारानी एलिजाबेथ द्वितीयलाई श्रद्धाञ्जली अर्पण गर्ने पहिलो विश्व नेता बनेकी छिन् । उनी महारानीको अन्तिम संस्कारमा सहभागि हुन पार्टनर क्लार्क गेफोर्डसहित शुक्रबार लण्डन पुगेकी थिईन् । उनले आज बेलायतकी प्रधानमन्त्री सँग भेट्ने कार्यक्रम छ । राजा चार्ल्ससँग भने प्रधानमन्त्री आर्डेनले भोली भेट गर्दै छिन् । उनी सोमबार आयोजना हुने महारानीको अन्तिम संस्कारमा पनि सहभागी हुने छिन् ।
