महारानी एलिजाबेथको अन्तिम संस्कारमा सहभागि हुन बेलायतको राजधानी लण्डन पुगेकी प्रधानमन्त्री जसिन्डा आर्डेन सोमबार लण्डनबाट अमेरिकाको न्यूयोर्क जाने भएकी छिन् । संयुक्त राष्ट्र संघको महासभामा सहभागी हुन प्रधानमन्त्री न्युयोर्क जान लागेकी हुन् । सो अवसरमा प्रधानमन्त्री आर्डेनले महासभामा न्युजिल्याण्डको तर्फबाट प्रतिनिधित्व गर्ने छिन् । उनले महासभामा भाग लिन आएका विश्वका अन्य देशका नेता सँग पनि भेट्ने कार्यक्रम रहेको छ । यसअघि प्रधानमन्त्री आज न्युजिल्याण्डबाट अमेरिकाको लागि प्रस्थान गर्ने कार्यक्रम रहेको भएतापनि महारानीको निधन भएपछि उनी बेलायत जानु परेकोले अब उतैबाट न्युयोर्क जाने छिन् ।
