सन् २०१७ मा न्युजिल्याण्ड आएका एक हङ्गेरी परिवारको स्थाई बसोबास भिसा अर्थात Residency स्विकृत नभएपछि ४२ दिन भित्र न्युजिल्याण्ड छोड्न Immigration NZ ले आदेश दिएको छ । आईभेट केरेकेस र उनको परिवारका सदस्यहरुको Residency Approve नभएपछि उनिहरुलाई ४२ दिन भित्र देश छोड्न आदेश दिईएको हो ।
Kāpiti Coast को Paraparaumu मा उनिहरुको एउटा रेस्टुरेन्ट छ जसबाटै उनिहरुले Entrepreneurial Residence Visa हालेका थिए तर गत नोभेम्बर २८ तारिकका दिन ईमेल मार्फत उनिहरुको Residency Reject भएको जानकारी दिईएको थियो । Paraparaumu मा उनिहरुको रेस्टुरेन्ट एक व्यस्त र सफल रेस्टुरेन्टको रुपमा लिईन्छ । केरेकेसको परिवारमा उनका श्रीमान र ३ छोरा छन् जो २५, २३ र ७ वर्षका छन् ।
सन् २०१७ मा न्युजिल्याण्ड आउनासाथ उनिहरुले न्युजिल्याण्डबाट चिज र मासु यूरोपमा निर्यात गर्ने योजना बनाएका थिए तर न्युजिल्याण्डले चिनसँग व्यापार निती लागु गरे संगै उनिहरुको योजना सफल हुन सकेन । त्यस्पछि सन् २०१८ मा उनिहरुले आफ्नै रेस्टुरेन्ट खोले । त्यस्तै उनिहरु Paraparaumu को लोकल बजारमा खानाको स्टल समेत राख्थे । केही वर्षको अथक मेहेनत पछि उनिहरुले Residency का लागि आवेदन दिएका थिए तर उनिहरु Residency पाउन योग्य नभएको भन्दै Immigration NZ ले Reject गरिदिएको छ । ‘
यो खबर बाहिर आएसगैं उनिहरुको मेहेनत र सफलता देख्ने उनका ग्राहक र समर्थकले Immigration NZ ले गल्ती गरेको भन्दै गल्ती सच्चाउन अनुरोध गरेका छन् । उनिहरुको समर्थनमा अन्लाईन पेटिसन समेत संचालन गरिएको छ । त्यस्तै Immigration को निर्णयलाई रिभ्यु गर्न माग गर्दै र्याली समेत निकालिने भएको छ । Immigration NZ का अनुसार उनिहरुको व्यापारले आवश्यक पर्ने योग्यता पुरा गर्न नसकेको बताएको छ । उनिहरुले आवश्यक कागजात पुरा गरेर ४२ दिन भित्र पुन: अपिल गर्न पाउने तर सो गर्न नसके न्युजिल्याण्ड छाड्नु पर्ने बताईएको छ ।
