विश्वको सर्वोच्च शिखर सगरमाथामा पहिलो पटक सफल आरोहण भएको आज ७० वर्ष पुगेको छ । सन् १९५३ मे २९ तारिकका दिन न्युजिल्याण्डका एडमण्ड हिलारी र नेपालका तेन्जिङ नोर्गे शेर्पाले विश्वको सर्वोच्च शिखर सगरमाथाको सफल आरोहण गरेका थिए । सोही दिनको सम्झनामा हरेक वर्ष मे २९ तारिकका दिन विश्व भर सगरमाथा दिवस अर्थात एभरेष्ट डे मनाउने गरिन्छ । न्युजिल्याण्डका बिभिन्न शहरमा एभरेष्ट डे मनाइदै छ । राजधानी वेलिङटनमा आज बिशेष कार्यक्रमको आयोजना गरिदै छ । विश्वको सर्वोच्च शिखर सगरमाथाको सफल आरोहण भएको ७० वर्ष पुगेको अवसरमा नेप्लीज कल्चर एन्ड टुरिजम प्रमोशन फोरम न्यूजिल्याण्डको आयोजनामा राजधानीमा कार्यक्रम आयोजना हुन लागेको हो । कार्यक्रमको प्रमुख अतिथीको रुपमा पुर्व प्रधानमन्त्री माधव कुमार नेपाललाई आमन्त्रण गरिएको छ ।
