गत शुक्रबार दुर्घटना परि ज्यान गुमाएका सुरेन्द्र सर्वरियाको शव नेपाल पठाउन पहल सुरु भएको छ । गैरआवासीय नेपाली संघ न्युजिल्याण्डले आज एक सुचना जारी गर्दै मृतकको शव नेपाल पठाउने तयारी सुरु गरेको हो । यस्कालागी करिब १८ हजार न्युजिल्याण्ड डलर (१४ लाख नेपाली रुपैँया) लाग्ने र मृतकका परिवारको आर्थिक अवस्था नाजुक भएकाले संघले सहयोग संकलन सुरु गरेको छ । न्युजिल्याण्डस्थित नेपाली वाणिज्यदुत आत्माराम खनालका अनुसार हाल सुरेन्द्रको शव डुनेडिन अस्पतालमा रहेको छ । शव नेपाल पठाउन सहज होस् भनेर गैरआवासीय नेपाली संघ न्युजिल्याण्डले न्युजिल्याण्डमा रहेका नेपालीलाई सहयोग गर्न अपिल समेत गरेको छ ।
सन् २०२२ नोभेम्बरमा न्युजिल्याण्ड आएका धनुषाका सुरेन्द्र बिगत ९ महिना देखि ओमारुस्थित एक डेरी फार्ममा कार्यरत थिए । कामकै शिलशिलामा उनको गत शुक्रबार सडक दुर्घटनामा निधन भएको थियो ।
सहयोगको लागि:
Account Number: 12-3066-0148917-04
Welfare Account NRNA-NZ
Reference: Surendra
