न्यूजील्याण्डले अटिजम भएका किशोर–किशोरीहरूका लागि पहिलो पटक विशेष स्कूल खोल्ने घोषणा गरेको छ। यो स्कूल आगामी वर्षदेखि सञ्चालनमा आउनेछ।
सरकारले ‘अटिजम NZ शिक्षा हब’ (Autism NZ Education Hub) टर्म ३ देखि सञ्चालनमा आउने जानकारी दिएको छ। यो स्कूल विशेषगरी परम्परागत शिक्षा प्रणालीसँग संघर्ष गरिरहेका न्यूरोडाइभर्जेन्ट (neurodivergent) माध्यमिक विद्यार्थीहरूको लागि लक्षित गरिएको छ।
चार्टर स्कूल Autism NZ द्वारा प्रायोजित हुनेछ र वेलिंग्टन र अकल्यान्डमा क्याम्पसमार्फत सञ्चालन हुने छ। सुरुमा ९६ जना विद्यार्थीहरूलाई भर्ना गरिनेछ।
शिक्षा सहमन्त्री डेविड सिमोरले विद्यार्थीहरूको व्यक्तिगत क्षमता, रुचि र आवश्यकतालाई ध्यानमा राखेर उनीहरूका लागि व्यक्तिगत अध्ययन योजना बनाइने बताएका छन् ।
सरकारको यो कदम अटिजम भएका किशोरहरूको लागि समान शिक्षा अवसर सुनिश्चित गर्ने प्रयासको रूपमा देखिएको छ।
