138
Shares
न्युजील्याण्ड सरकारले देशको ऊर्जा सुरक्षा मजबुत बनाउन र आर्थिक वृद्धिमा टेवा पुर्याउन एलएनजी (तरलीकृत प्राकृतिक ग्यास) आयात सुविधा निर्माणका लागि ठेक्का प्रक्रिया अघि बढाउने निर्णय गरेको छ। ऊर्जा मन्त्री Simon Watts ले यसलाई ऊर्जा क्षेत्रका लागि एक महत्वपूर्ण कदमका रूपमा वर्णन गरेका छन्।
मन्त्री वाट्सका अनुसार विस्तृत अध्ययन र खरिद प्रक्रियाको पहिलो चरण पूरा भएपछि सरकार यो निर्णयमा पुगेको हो। उनले न्युजील्याण्डमा नवीकरणीय विद्युत उत्पादन तीव्र गतिमा बढ्दै गए पनि घरेलु ग्यास आपूर्ति तीव्र रूपमा घट्दै जाँदा सुक्खा वर्षमा, जलविद्युत् तालहरूमा पानी कम हुँदा, विद्युत् प्रणाली जोखिममा परेको बताए।
ग्यास आपूर्ति घटेपछि कोइला र डिजेलमा निर्भरता बढेको र यसको प्रत्यक्ष असर विद्युत् मूल्य वृद्धिमा परेको उनको भनाइ छ। यसले परिवारहरूमा आर्थिक बोझ बढाउनुका साथै व्यवसायहरूलाई प्रतिस्पर्धामा कमजोर बनाएको मन्त्री वाट्सले उल्लेख गरे।
