166
Shares
आईसीसी विश्वकप अन्तर्गत आज नेपालले शक्तिशाली टोली वेस्ट इन्डिज विरुद्ध प्रतिस्पर्धा गर्दैछ। खेल न्युजिल्याण्ड समय अनुसार साँझ साढे ६ बजे सुरु हुने छ।
प्रतियोगितामा अगाडि बढ्नका लागि नेपालमाथि जित्नै पर्ने दबाब रहेको छ।
आईसीसी विश्वकप अन्तर्गत समूह चरणमा नेपाल दबाबमा परेको छ। नेपालले खेलेका दुई खेलमध्ये दुवै खेल हारिसकेकोले आजको खेल जित्नै पर्ने अवस्था सिर्जना भएको छ। प्रतियोगितामा टिकिरहन र सम्भावना जोगाइराख्न नेपालका लागि अब प्रत्येक खेल निर्णायक बन्दै गएको छ।
यता वेस्ट इन्डिज भने प्रतियोगितामा निकै बलियो देखिएको छ। वेस्ट इन्डिजले खेलेका दुई खेलमध्ये दुवै खेल जित्दै उत्कृष्ट लय कायम राखेको छ। अनुभवी खेलाडी र आक्रामक ब्याटिङ लाइनअपका कारण वेस्ट इन्डिज आत्मविश्वासमा देखिन्छ।
