बलिवुड चर्चित पप गायक हनी सिंहले शनिबार अकल्याण्डको ट्रस्ट एरिनामा आफ्नो प्रस्तुती दिएका छन् । हजारौँको संख्यामा सहभागी भएका संगितप्रेमी माझ हनी सिंहले आफ्ना चर्चित गीत गएका थिए । कोभिड यता न्युजिल्याण्डमा बलिवुड सांगितिक कार्यक्रम बाक्लै रुपमा हुँदै आएको छ । २०२२ यता बिभिन्न कलाकारहरु न्युजिल्याण्डमा आफ्नो प्रस्तुती दिन आएका छन् । चर्चित बलिवुड सांगितिक कलाकार सोनु निगम, आतिफ अस्लम, राहत फतेह खान, फाल्गुनी पाठक, सुनिधी चौहान, कैलाश खेर, बिशाल र शेखर लगायतले न्युजिल्याण्डमा आफ्नो प्रस्तुती दिईसकेका छन् । त्यस्तै अर्का चर्चित गायक अददान सामी अर्को महिना न्युजिल्याण्ड आउँदै छन् । अक्टोबर १८ का दिन अकल्याण्डमा सामीले आफ्नो प्रस्तुती दिदै छन् ।
