क्राइस्टचर्चको स्कारबरोबाट बुधबार हराएकी ६६ वर्षीया महिलाको शव फेला परेको छ। उनको नाम ट्रेसी भएको प्रहरीद्वारा सार्वजनिक गरिएको छ।
ट्रेसी बुधबार करिब १:२० बजे हराएकी थिइन्। उनको टेस्ला गाडी टायलर्स मिस्टेक रोडमा करिब २ बजे फेला परेको थियो, तर ट्रेसीको अवस्था अज्ञात रहेको थियो।
उनको खोजीमा प्रहरीले ठूलो प्रयास गरेको थियो। खोजी कार्यमा प्रहरी, सर्च र रेस्क्यु स्वयंसेवक, फायर एन्ड इमरजेन्सी, र सम्नर कोस्टगार्डका स्वयंसेवकहरू संलग्न थिए।
ट्रेसीको शव बिहीबार साँझ फेला परेको थियो। प्रहरीले उनको मृत्युमा कुनै आपराधिक शंका नदेखिएको र यसलाई कोरोनरको कार्यालयमा पठाइने जनाएको छ।
