गत मार्च २६ बाट नेपाल तथा विश्वभर प्रदर्शनमा आएको नेपाली चलचित्र मह जात्रा न्युजिल्याण्डका बिभिन्न शहरमा समेत प्रदर्शन भईरहेको छ ।
प्रदिप भट्टराई निर्देशित चलचित्र न्युजिल्याण्डमा बिभिन्न शहरमा हाउसफुल दर्शकको साथ पाएको छ । अकल्याण्डमा चलचित्रको माग भएपछि थप सो राखिएको छ । अकल्याण्डमा मार्च २३ र मार्च २५ मा दुई सो राखिएको थियो तर चलचित्रको माग पुन: भएपछि अप्रिल ८ को दिन एक सो थप गरिएको चलचित्रलाई न्युजिल्याण्ड भित्राएको लाखे ईभेन्ट्सले जनाएको छ । यसअघि चलचित्र तउरङा, न्यु प्लाईमाउथ, हक्स बे, वनाका र राजधानी वेलिङ्टनमा चलचित्र प्रदर्शन भईसकेको छ । यता नर्थको ह्यामिल्टनमा नेपाली नयाँ वर्षको भोलीपल्ट अर्थात अप्रिल १४ मा महजात्रा प्रदर्शनमा आउँदै छ । त्यस्तै साउथको क्राईसचर्चमा नेपाली नयाँ वर्ष अर्थात अप्रिल १३ र २४ गरि दुई सो राखिएको छ । त्यस्तै अप्रिल २० मा ईन्भरकार्गिलमा चलचित्र प्रदर्शनमा आउँदै छ ।
फिल्म ‘महाजात्रा’ले बक्स अफिसमा बम्पर व्यापार गरिरहेको छ । पहिलो साता ६ करोड माथिको ग्रस कलेक्शन गरेको फिल्मले दोस्रो सातामा पनि आक्रामक व्यापारलाई जारी राख्यो ।
यो फिल्मले दुई सातामा १० करोड १४ लाख ग्रस कलेक्शन गरेको निर्माणपक्षले उपलब्ध गराएको आँकडामा उल्लेख छ । हाल यो चलचित्र तेस्रो सातामा प्रदर्शन भईरहेको छ ।
लाखे ईभेन्ट्समा अनुसार न्युजिल्याण्डका अधिकांश शहरमा चलचित्र हाउसफुल भएको र प्रदर्शन अगावै टिकट सोल्ड आउट भएको छ ।
चलचित्रमा हरिवंश आचार्य, विपिन कार्की, रविन्द्र सिंह बानियाँ, रविन्द्र झा, वर्षा राउत, राजाराम पौडेल, दिव्य देव लगायतका कलाकारको अभिनय छ ।
