न्युजिल्याण्डको साउथ आईल्याण्ड स्थित नेल्सन शहरमा नेपाली समुदायको संस्था नेल्सन नेपलीज क्म्युनिटीमा नयाँ कार्यसमिती चयन भएको छ ।
आगामी दुई वर्ष कार्यकालको लागि आज ११ सदस्यीय नयाँ कार्य समिती चयन भएको हो । नेल्सन नजिकै रहेको रेबिट आईल्याण्डमा आईतबार संस्थाको वार्षिक साधारण सभामा सबै पदाधिकारी सर्वसम्मत चयन भएका हुन् । संस्थाको अध्यक्षमा समिर सिलवाल रहनु भएको छ भने उपाध्यक्षमा सुर्य खड्का चयन हुनु भएको छ । त्यस्तै ओम आचार्य सचिव, प्रस्तुता भट्ट कोषाध्यक्षमा सर्वसम्मत हुनु भएको हो । कार्यसमिती सदस्यहरुमा आशिष भट्टराई, अनिलराज प्रसाईँ, पूजा खत्री, सुशान्त आचार्य, चन्द्र तन्दुकार, सन्तोष जिसी र स्काईसन कर्माचार्य रहनु भएको छ । साधारण सभामा नेल्सनमा बसोबास गर्ने ५० बढी नेपालीहरु सहभागिता रहेको थियो ।
