न्युजिल्याण्डले प्यालेस्टाइनलाई राज्यको रूपमा मान्यता दिने कि नदिने भन्ने निर्णय आज सार्वजनिक हुँदैछ। विदेश मन्त्री विन्सटन पीटर्सले न्यूयोर्कस्थित संयुक्त राष्ट्र संघमा राष्ट्रिय वक्तव्य मार्फत यो निर्णय घोषणा गर्ने कार्यक्रम तय गरिएको छ।
मन्त्रिपरिषद्ले यस विषयमा सेप्टेम्बर १५ मा सैद्धान्तिक निर्णय गरिसकेको भए पनि प्रत्यक्ष घोषणा आज विदेश मन्त्री पीटर्सले गर्ने भएका छन्। यसअघि बेलायत, अष्ट्रेलिया र क्यानाडाले प्यालेस्टाइनलाई राज्यको रूपमा मान्यता दिएका छन्।
विदेश मन्त्रालयका अनुसार, यो निर्णय न्युजिल्याण्डको विदेश नीतिमा महत्त्वपूर्ण भूमिका खेल्नेछ र मध्यपूर्वको स्थिरता र अन्तर्राष्ट्रिय सम्बन्धमा प्रभाव पार्ने अपेक्षा गरिएको छ।
