न्यूजील्याण्डका नागरिकहरू अस्ट्रेलिया स्थायी रूपमा बसाई सर्ने दरमा उल्लेखनीय वृद्धि देखिएको छ। सन् २०२४ मा मात्र ४७,३०० जना न्यूजील्याण्ड नागरिकले अस्ट्रेलिया स्थायी रूपमा बसाई सरेका छन्।
यो संख्या अघिल्ला वर्षहरूको तुलनामा धेरै हो, र यसले युवा तथा श्रमशक्ति बाहिरिने प्रवृत्तिमा थप चासोको विषय बनेको छ। विशेष गरी राम्रो रोजगारी, तलब, र जीवनशैलीका कारण धेरैले अस्ट्रेलियालाई विकल्प बनाइरहेका छन्।
उता, सोही वर्ष अस्ट्रेलियाबाट न्यूजील्याण्ड स्थायी रूपमा बस्न आएका नागरिकको संख्या १७,३०० रहेको देखिन्छ। यद्यपि केही नागरिकहरू व्यक्तिगत कारण, परिवारसँग पुनर्मिलन, वा जीवनशैली परिवर्तनको चाहनाले न्यूजील्याण्ड बस्न आएका हुन्।
विश्लेषकहरूका अनुसार, यो असमान आवागमनले न्यूजील्याण्डको जनशक्ति र आर्थिक ढाँचामा दीर्घकालीन प्रभाव पार्न सक्नेछ। सरकारले समेत यो प्रवृत्तिप्रति ध्यान दिनुपर्ने आवश्यकता बढेको छ।
