१८ दिन अघि स्टोरमा मुसा भेटिएपछि बन्द रहेको साउथ आईल्याण्ड स्थित डुनेडिनको Countdown सुपर मार्केट आज बाट खुलेको छ ।
गत जनवरीबाट नै स्टोरमा मुसा देखिन थालेको थियो तर गत ९ फेब्रुअरीमा धेरै संख्यामा मुसा स्टोरमा देखिए पछी स्टोरलाई बन्द गरिएको थियो ।
‘पेस्ट कन्ट्रोलको लागि केही दिनको लागि स्टोर बन्द गर्न लागिएको हो ‘ स्टोर बन्द हुने दिन ले जारी गरेको सुचनामा उल्लेख गरिएको थियो ।
पेस्ट कन्ट्रोल र सरसफाई पछि गत आईतबारबाट स्टोर खोल्ने निर्णय गरिएको थियो । तर आईतबाट स्टोर खोल्ना साथ केही मुसा फेरी देखिएकाले हिजो सम्म बन्द रहेको थियो ।
हालसम्म कर्मचारीले २४ वटा मुसालाई नियन्त्रणमा लिईसकेका छन् । पछिल्लो ४८ घण्टामा कुनै मुसा नदेखिए पछि स्टोर आज बाट पुन: संचालनमा आएको हो ।
